Asa unang torlupa, na taon baru dope, bah binaen ma cerita,
bissan dang lewat dope januari on. Olo do attong, songon di hita an, alani
Galung dang Marhonasuan dope, gabe tor golan na tu Hauma on rohana. Sappe olo sipata lupa na adong dope Lappet dohot kombang loyang dipabuni di lamari. Ale ima
majo tusi......
Molo dung juppang tikki taon baru songon sisaonari on, attar
godang do jolma mambahen akka sinakkap ni rohana manang istilah nueang didokkon “Resolusi”. Nang
iba pe songoni do. Marragam ma attong akka sakkap ni roha on, mulia ma i sian
akka ruhut-ruhut ni Horja, Parniulaon dohot parrohaon, akka Perhepengon, sahat
tu penampilan terlumobi tu akka Naposo.
Ai tung godang situtu ma nian molo nung juppang tikki taon
baru mambahen akka tangiang manang sakkap di nalaho mendalani taon na imbaru i.
Alai salpu ma taon i, juppang ma muse taon na imbaru tong dope dang hasahatan
akka sakkap i. Bah..di baen ma attong muse akka sakkap na baru. Juppang muse
taon na imbaru, tong do dang hasahatan muse. Bah ,,boha nama i ate?. Sampe
adong status ni akka dongan di Media
sinuaeng mambahen sakkap na songonon: Sakkap hu di taon 2017 on ima “pasahatton
sakkap na di taon 2016, jala muse sakkap di taon 2015 naso hasahatan dope di
taon 2014”. Hira hira songoni ma, nang hita na manjaha on pe mambahen songoni
do ra tong ate.
Molo dihita batak attar adong do rupani lobi na molo di
bandingkan tu akka halak na asing di na merayahon taon baru. Mardomu attong
attar gabe hopos alani parhuria on. Ai molo akka halak sileban an, sai do holan
marpungi ditikki pargatti ni taon i, bah di tutungi akka Mersun on, ido. Alai
molo di batak, ikkon adong do Marpungu di pargatti ni taon i jala Maracara
dohot mandok hata ganup sada sada. Bah
alani, pola do attong jaha on status ni akka dongan di media songonon ; “Mandok
hata Coming Soon’ inna ma attong.
Jadi taringot tu sakkap, bah olo do attong di dokkon i be
akka sakkap di na marpungu on, asa rap di tangiangkon. Molo akka naung magodang
bah, nina umpamana; dang be olo be au na minum tuak i manang na tenggen-tenggen
i, burju nama au tu joloan on, tar lumobi ma di na mandalani taon 2017 on,
tangiangkon hamu ma au, nina ma. Hape dina naung sae acara on, olo gabe nina
attong asa songonna ta rayahon jo akka sakkap ni roha di taon baru on, bukka
hamu majo minuman i bah, nina ma attong, hape gabe las i ma muse dalan na
tenggen. Nunga be lupa hata na sinangkaningan i, dang be olo tenggen nina. Sai akka sisongonnon ma rupani na jot-jot
masa di akka perngoluan. Akka na asing an pe sai jot-jot do sarupa tong kasus
na, bah holan satokkin i do diingot sakkap ni roha na i.
Resolusi on ima biasana na hinalomohon ni roha manang
sakkap. Alai molo holan marsakkap do
biasana dang boi gabe siparbaga on i. Alai ikkon do alani perniulaon. Jadi
jojot attong, na masa dang adong perniulaon na domu di ulahan dinalohi patupahon
akka hinalomohon ni roha i.
Boasa jotjot dang na marniulahon? Somalna attong molo akka jolma sai naeng do hatop
hatop dirohana. Bah lapatanna nuaeng ai
nungga dibereng be ai anggo sakkap i di jolo an , alai dang olo marhusor tusi.
Sai olo sipata tor parjolo butong hape dang mangan dope. Hera songoni ma
umpana.
Sakkap naso ra tupa, olo do ra on pengalaman pribadi, ale
olo muse do ra pengalamanni akka deba. Domu tusi, bah ni pagomos ma akka
tonggo. Asa unang terulang muse “ pasahatton sakkap 2016, jala muse sakkap di
taon 2015, naso tupa di taon 2014”.
Horas,,,WN
Tidak ada komentar:
Posting Komentar