TIKKI DAKDANAK : Hepeng di Bona ni Kopi
Molo
tikki naeng juppang ari manarongoti ari kemerdekaan, molo uju i di hita an
attor adong do rupani akka penyambutan di ulahon akka masyarakat nang dohot
persikkola. Ima tarsongon perlombaan marbola, marvolli; antar desa, antar
sikkoka dohot akka perlombaan na asing dope. Disada tikki, manjalo hepeng ma
abang ni si Billem ima si James tu inong
na. Nina ma; omak naeng marbola hami annon tu Ronggur Ni Huta mangalo SMP
Negeri, dijo hepeng mi Rp. 500 asa adong annon baenon manuhor es. Mangalusi
hatani si James, attor songonna tutak do pandohanni inong na (sambil muruk).
Ala masa attong sabbang ni kopi. Molo ujui dang adong dope kopi ateng. Holan kopi arab dope dohot kopi
robusta. Nina inong na ma; dang adong hepeng, dang dibereng ho dang adong age
satubba kopi na ari rebo i?. Dungi nina si james ma : Abago, lak boha do dang
adong hepeng ni iba annon, sabbil melus bohina. Tes i ma baen di botol i ima
boan nina inong na ma. Hepeng do sai nimmu di Bona Ni Kopi an gok Hepeng nina inong na i ma muse.
Ditikki
na manjalo hepeng i si James, hape dibege-bege si Billem do sambil marsuap
ibana na naeng lau tu sikkola. Ala parburju-burju dohot partojob-tojob do
attong rohani si Billem on gabe tarpaian dirohana hatani inong na i “ Hepeng di
bona ni kopi”.
Dung
mulak sian sikkola, sai tong penasaran si Billem taringot hepeng na di bona ni
kopi i. Sabbil ma ibana marangan-angan. Asa adong tahe baenon tu bulu potongan,
dungi muse boi ma baenon manuhor sipatu Riker nina dibagas rohana. Di naung sae
ibana manggadong, tor hatop ma si Billem lau tu bona ni kopi na di Bahal ni
hutana i. Di Naung sahat di boni ni kopi
i, adong do juppang ni ibana sada hadang-hadangan sian bahul-bahul. Gabe tubu
ma roha ni ibana naeng sambil mamutiki kopi na medekdek. Dihaisi, ma bona ni kopi i huhut sai manat-manat
diparrohahon ibana hepeng na ni luluan na i. Di puhut-puhut ibana, sai
dipuhut-puhuti. Songonna malliting saotik hais-hais na i, tor langsung di
jorngom ibana, hape Baut do. Dungi Malliting hais-hais na on, dijorgom ibana muse
hape tutup ni botol Bir do. Bah, songonna mulai jonok ra lipper i nina roha ni
si Billem, sai tong dipuhuti.
Ai nunga
pola leleng nian si Billem mangkaisi
bona ni kopi na i, alai dang adong dope nanggo salipper juppang ni ibana hepeng. Alai
sai pos do rohana di hatani inong na i. Hape ai nunga pola satango hadang-hangan
na i marisi kopi na madekdek dohot Te ni Galot. Sai sambil muse dibutbuti ibana
akka duhut-duhut ni kopi i. Atik dia sanga tarkubur lipper i nina rohana. Ai
nunga naeng bot ari, dang disadari si Billem. Nunga tung leleng inong na
manjoui dang dibege ibana alani linggom ni bona ni kopi i. Dung pe tarbege ibana, suara ni pinahan na
namarngaiki, baru pe sadar ibana naung bot do hape ari. Dungi mulak ma ibana
diboan hadang-hadangan na i, ai nunga
pola tung gok do hape. Sappe peut-peut do salawar ni ibana mamboan bahul-bahul
i. Marpilosan ma jambulan na dibaen asar ni Rabbong-rabbong, jala
marbuttul-buttul do bohina didoiti ranggapau.
Dung
sahat di hutana i. Sian dia do ho Billem, na so mulak dope abang mu si
James? Songonna muruk inong na i. Dang
huboto omak, tor hatop do nangkaning au tu bona ni kopi an, nina ibana
mangalusi. Marhua ho sahalak ho tu Bahal an? , alai didokkon omak na soggot tu
si James adong hepeng di bona ni kopi an, jadi hu lului asa adong baenon hu tu
bulu potongan, hape dang adong omak lipper i dapot au nang sada pe, holan kopi na madekdek do adong, Te ni Galot,
Baut dohot tutup ni botol Bir, nina ibana mangalusi inong nai. Mambege alus ni si Billem i, jala dibereng
bahul-bahul na diboan na i, tor dobo do maleng-leng rohani inong na i. “ ehh
tahe, polos ni rohani anakkon, toe ma amang nunga godang be dapot mu hepeng i,
sa bahul-bahul” nina dibagas rohana. “ Hasea ma ho amang marsogot,” gabe tubu
ma tangiang di rohani inong na i. Nung
juppang ari rebo, tor di tuhor inong na ma sipatu Riker sian onan lau tu si Billem Naibaho. Gabe marsipatu ma ibana tu
sikkola manogot na i.
Akka
giat do i sude,,, horas WN.
Tidak ada komentar:
Posting Komentar